Kirurgu i akuzuar i zemrës: “Fajtor, rezistenca kundër meje si mjek italian”

Ai fajëson "rezistencën kulturore në Cyrih kundër tij si mjek italian". Kirurgu kardiak Maisano tani punon në një spital në Milano

Francesco Maisano, ish-drejtori i klinikës kardiake në Spitalin Universitar të Cyrihut (USZ), ka folur për herë të parë në skandalin mbi vdekjet “e panevojshme” që kanë ndodhur derisa ai drejtonte klinikën. Në një intervistë me një gazetë italiane, ai i hedh poshtë të gjitha akuzat, transmeton albinfo.ch.

Ai për rënien e tij fajëson “rezistencën kulturore në Cyrih kundër tij si mjek italian”. Kirurgu kardiak Maisano tani punon në një spital në Milano.

Nën udhëheqjen e Maisanos, në USZ dyshohet se kanë ndodhur më shumë se 70 vdekje të panevojshme. Raporti i hetimit ngre akuza të rënda kundër kirurgut kardiak italian, duke përfshirë akuzat se ai ka kryer procedura të rrezikshme.

Të ashtuquajturat procedura inovative kardiake janë në qendër të kritikave ndj tij. Sipas një raporti hetimor prej 216 faqesh nga Universiteti i Cyrihut, disa procedura që përdorin sistemin “CardioBand” ishin problematike.

Komplikime serioze ndodhën në 44 implantime, duke përfshirë atakë në zemër dhe dëmtime të arteries koronare. Dy pacientë vdiqën. Për më tepër, raporti thotë se procedura ofronte “vetëm përfitime të kufizuara”.

Maisano kundërshton me forcë: Shkalla e rritur e vdekshmërisë “i atribuohet procedurave kirurgjikale konvencionale” dhe jo metodave inovative.

Kirurgu kardiak gjithashtu mbron shkallën e ndërlikimeve të shkaktuara nga metoda e re. Nga një total prej 4,500 procedurash, vetëm 44 u kryen me CardioBand, përcjell albinfo.ch. Një shkallë ndërlikimesh prej rreth dymbëdhjetë për qind nuk është e pazakontë për teknologjitë e reja.

“Do të vazhdoj në këtë mënyrë”

Si përfundim, Maisano mbron punën e tij pa asnjë dyshim: “Një kirurg matet nga jetët e shpëtuara, jo nga mungesa e rreziqeve. Unë do të vazhdoj të punoj në këtë mënyrë.”

(Foto: USZ)

---