Manifestime
„Njeriu me armë”, oratorium për viktimat e luftës në Kosovë
Oratoriumi “The Armed Man – a Mass for Peace” do të shfaqet më 30 nëntor dhe 1 dhjetor në Bettlach, kantoni Solothurn
“The Armed Man – a Mass for Peace” quhet oratoriumi i kompozitorit të njohur britanik Karl Jenkins, i vënë në skenë për herë të parë në vitin 2000 dhe që frymëzimin e bart nga lufta, gjegjësisht drama njerëzore e Kosovës, që bota e kishte parë një vit më parë. Vepra edhe shprehimisht, u kushtohet viktimave të luftës në Kosovë.
Prej atëherë kjo vepër e madhe muzikore është shfaqur me qindra herë në skenat anembanë botës. Ajo përmban në vete pasazhe nga të gjitha religjionet e mëdha botërore.
Më 30 nëntor oratoriumi “The Armed Man – a Mass for Peace” do të shfaqet në St.Klemenzkirche (Kisha e Shën Klementit) Bettlach (Kantoni Solothurn), nën drejtimin e Markus Oberholzer. Një kor i përbërë nga 200 këngëtarë dhe këngëtare do të shoqërohet nga orkestra filarmonike “Europa”. Si soliste do të küüendojë Barbara Erni, mezosopran ndërsa Peter Hüsein Kunz paraqitet si recitator.
Si formë artistike, oratoriumi buron nga tradita e krishterë ndërsa në këtë vepër të veçantë të kompozitorit Jenkins përfshihen edhe këndime nga tradita hebrenje, hinduiste dhe myslimane. Në shfaqje bën pjesë edhe një myezin, i cili deklamon lutje fetare islame, gjë që, kur shfaqja është dhënë në kishë, ka ndodhur të ngjallë edhe reagime.
Por autori dhe trupat që e kanë vënë në skenë kanë sqaruar se synimi i tyre është vënia në pyetje e “luftës në mes të kulturave” gjegjësisht pajtimi në mes të religjioneve.
Oratoriumi jepet më 30 nëntor në orën 19.30 dhe më 1 dhjetor në orën 17.00 në St. Klemenzkirche, Bettlach.
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Zvicër
-
Mentor Latifi është emëruar ambasador i ri i Kosovës në Zvicër Presidentja e vendit, Vjosa Osmani, i ka uruar suksese në detyrën e tij, gjersa është shprehur...
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit