Zvicrës i teprojnë rezervat e gjakut!

Si arsye për këtë zvogëlim kërkesash përmendet, veç tjerash, përmirësimi i teknikës së operacioneve nëpër spitale

Zvicrës i mjaftojnë dhe i teprojnë rezervat e gjakut. Kjo është arsyeja që shërbimi i dhurimit të gjakut i Kryqit të Kuq të Zvicrës ka reduktuar punën e tij ndërsa qendrat regjionale kanë shkurtuar oraret për pranimin e gjakut të dhuruar.

Siç thotë kreu shërbimit të dhurimit të gjakut pranë Kryqit të Kuq të Zvicrës Rudolf Schwabe, në dy vitet e fundit kërkesa për dhurim të gjakut ka pësuar rënie prej 10 për qind. Bazuar në këto zhvillime, në të ardhen do të grumbullohet më pak gjak, ka thënë ai për emisionin e të martës “HeuteMorgen” të radios SRF.

Si arsye për këtë zvogëlim kërkesash ai ka cekur përmirësimin e teknikës së operacioneve nëpër spitale. Një arsye tjetër është koha më e gjatë që mundësohet për të pritur deri në dhënien e gjakut personit që ka nevojë për këtë.