Të moshuarit janë të diskriminuar në tregun e punës në Zvicër

Keystone (AP Photo/Dariusz Gacek)

Diskriminimi i moshës në Zvicër tani është zyrtare. Punëkërkuesit mbi 50-vjeçare e kanë të vështirë të gjejnë punë, madje edhe nuk kanë gjasa për t’u ftuar në intervistë për punë. Ata po diskriminohen në tregun zviceran të punës, shkruajnë mediat zvicerane.

“Disa punëdhënës në industri të caktuara zakonisht preferojnë aplikantë më të rinj për punë për një sërë arsyes. Gjithashtu kompanitë kohët e fundit po përdorin procesin e automatizuar të rekrutimit, duke bërë që të dihet edhe mosha e aplikuesve. Kërkuesit më të vjetër të punës, shpesh nuk kanë asnjë shans që të ftohen në intervistë”, thuhet në një raport të fundit, që tregon për punën në kantonet në Zvicër, përcjell albinfo.ch.

Deri më tani, diskriminimi ndaj punëkërkuesve të moshuar në Zvicër ka qenë subjekt tabu.

Por, tani ata që aplikojnë duhet të mbushin pyetësorin, ku figuron edhe mosha e tyre dhe nëse jeni mbi 50-vjeç në Zvicër, atëherë, ka gjasa që të mos ftoheni fare.