Politikanët shqiptarë të Zvicrës kundërshtojnë nismën “Jo Zvicrës 10 milionëshe”

Më 14 qershor para zviceranëve me të drejtë vote qëndron iniciativa e SVP-së “kundër një Zvicre 10 milionë banorëshe”.

Me këtë iniciativë partia e përmendur, siç tregon edhe motoja, synon kufizimin e numrit të banorëve në 10 milionë (deri në vitin 2050), për të shmangur, siç e thotë ajo “mbipopullimin, kaosin etj.

Por, siç e tregojnë shumë analiza dhe vështrime të personaliteteve, studiuesve dhe organizatave të pavarura, iniciativa vetëm sa do të krijojë kaos dhe izolim të vendit. Në rast të miratimit dhe të zbatimit të saj, Zvicra kërcënohet nga mungesë e madhe e fuqisë punëtore, nga bllokimi i shërbimeve të shumta jetike, të cilat edhe sot funksionojnë kryesisht falë fuqisë së huaj punëtore etj.

VIDEO:                                   

Për të bërë më të qartë atë çfarë e pret Zvicrën e “jo më shumë se 10 milionë banorëve”, albinfo.ch ka marrë mendimin e një numri politikanësh të rinj zviceranë me rrënjë shqiptare, nga parti të majta e të djathta.

Ata, ashtu sikurse edhe partitë e tyre respektive, janë kategorikisht kundër iniciativës së përmendur. Për më shumë, dëgjoni argumentet e tyre.