E-Diaspora
Këtu i siguroni biletat për filmin “Kësulat” që shfaqet më 12 Qershor
Të gjithë ata që duan ta shikojnë këtë film duhet të shpejtojnë për të rezervuar biletat, sepse ai jepet vetëm më 12 qershor 2019, si premierë për Zvicër
Në këtë link mund të bëni sigurimin e biletave për Kino RiffRaff në Cyrih
Ndërsa në linkun më poshtë, mund t`i siguroni biletat për kino Bourbaki në Lucern
Për nder të Ditës së Çlirimit të Kosovës, më 12 Qershor, filmi “Kësulat” vjen me premierë në Zvicër, gjegjësisht në Cyrih dhe në Lucern.
Filmi “Kësulat” është një dramë shumë e fuqishme filmike, e ngritur mbi luftën dhe tragjedinë e Kosovës.
Rrëfimi i filmit “Kësulat” zhvillohet në vitin 1999 në kulmin e luftës në Kosovë. Mësuesi i ri serb, Dragani, e shoqja dhe babai, janë serbët e vetëm që jetojnë në një fshat të vogël të Kosovës. Mjeku i fshatit, Albani, është në shërbim të të gjithë nevojtarëve, pra edhe të familjes serbe. Por për këtë ai akuzohet nga një pjesë e bashkëfshatarëve si bashkëpunëtor i tyre. Edhe Dragani, i cili kundërshton dhunën e shtetit serb mbi shqiptarët, armiqësohet me bashkatdhetarët e tij, bartës të kësaj dhune…
Kjo, me pak fjalë është drama njerëzore që pasqyrohet në filmin “Kësulat”.
Skenarin e filmit e ka shkruar Jimi Tihofsi, shqiptar që ka studiuar dhe jeton në Londër, i cili është po ashtu edhe producent i filmit dhe luan njërin ndër rolet kryesore, ndërsa regjinë e ka bërë regjisori anglez, Alan M. Trow.
Në rolet kryesore luajnë aktorë të njohur nga Kosova si: Bislim Muçaj, Selman Jusufi, May-Linda Kosumovic, Ismail Kosumi, Jimi Tihofsi etj.
Të gjithë ata që duan ta shikojnë këtë film duhet të shpejtojnë për të rezervuar biletat, sepse ai jepet vetëm një ditë, pra më 12 qershor 2019 si premierë për Zvicër dhe si shfaqje speciale, me rastin e 20 vjetorit të çlirimit të Kosovës.
Në Zvicër, filmin “Kësulat” e ka sjellë distributori zviceran Spot On në bashkëpunim me platformën albinfo.ch.
Më gjerësisht lidhur me filmin mund të informoheni në kesulat.com.
Shikuesit do të kenë rastin të takohen me producentin dhe skenaristin e filmit, Jimi Tihofsin, i cili do të jetë në dispozicion për t`iu përgjigjur edhe pyetjeve të shikuesve para ose pas shfaqjeve të filmit në Lucern dhe në Cyrih.
Filmi “Kësulat” shfaqet më 12 qershor në kinemanë Bourbaki 1 të Lucernit nga ora 18.20 ndërsa në kinemanë Riffraff 1 të Cyrihut, shfaqja e parë fillon 19:10 dhe e dyta, në orën 21:40.
Kino Bourbaki, Löwenplatz 11, 6004, Luzern
Kino RiffRaff: Neugasse 57-63, 8005 Zürich
Info rreth ngjarjes
- Data e fillimit12 Qershor 2019
- Ora18:20
- LokacioniLuzern, Zürich
- Data e përfundimit12 Qershor 2019 - 21:40
Të ngjashme
Të tjera nga E-Diaspora
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale