Dobësohet valuta evropiane euro

Keystone/EPA/Toms Kalnins

Në tregjet botërore, dollari ndaj monedhave të tjera u rrit javën e kaluar, duke kompensuar humbjet e një jave më parë, pasi euro ishte dobësuar për shkak paralajmërimeve të Bankës Qendrore Evropiane që të lehtësojë politikën monetare në muajin shtator për të luftuar rreziqet e recesionit, shkruan albinfo.ch.

Indeksi i dollarit, i cili tregon dollarin amerikan ndaj gjashtë monedhave të tjera kryesore botërore, u rrit 0.7 për qind javën e kaluar, në 98.19 pikë.

Monedha amerikane fitoi 1 për qind ndaj monedhës evropiane, dhe euro ra në 1.1090 dollarë.

Në raport me monedhën japoneze, dollari u rrit 0.7 për qind ,në 106.35 jen.

Rritja e monedhës amerikane ndaj monedhës evropiane erdhi pas sinjaleve që Banka Qendrore Evropiane (ECB) së shpejti mund të lehtësojë politikën monetare për shkak të dobësisë së ekonomisë së eurozonës.