Tematike
Ulet prognoza për zhvillimin ekonomik të Zvicrës, nga 1.2% në 0.8%
Shkak për këtë ulje të parashikimit është zhvillimi më i vogël se sa ishte parashikuar i ekonomisë botërore, thonë ekspertët e autoriteteve federale
Sekretariati Shtetëror për Ekonomi (Seco) e ka ulur pak prognozën e bërë më herët për rritjen ekonomike të Zvicrës në vitin 2019. Ekonomistët supozojnë tash se ekonomia zvicerane, në fund të vitit do të ketë një rritje prej vetëm 0.8%.
Ndërkohë që jo më larg se në muajin qershor ata kishin parashikuar rritjen prej 1.2%.
Shkak për këtë ulje të parashikimit është zhvillimi më i pakët se sa ishte parashikuar i ekonomisë botërore, thonë ekspertët e autoriteteve federale, duke arsyetuar ndryshimin e prognozës. Kjo, sipas tyre i frenon investimet .
Për vitin 2020 ekspertët presin një “këthjellim” gradual në këtë drejtim, thuhet në një komunikatë të lëshuar nga Seco. Bazuar në parashikimet e tyre, rritja e ekonomisë në vitin që vjen do të jetë 1.7%, shkruan albinfo.ch. Por kjo, me kushtin që të mos ashpërsohet më tutje konflikti tregtar në mes të SHBA-së dhe Kinës.
Sipas Seco-s, sa u përket investimeve në ndërtim, edhe më tutje duhet pritur zhvillim të ngadalshëm. Nga ana tjetër, ekspertët e Seco-s presin një vazhdim të rritjes së moderuar të konsumit, të konstatuar nga gjysmëvjetori i parë i vitit, të shoqëruar nga një gjendje ende e volitshme e tregut të punës.
Gjatë vitit 2019 punësimi pritet të ketë një vazhdimësi të rritjes solide, kryesisht në sektorin e shërbimeve ndërsa shkalla e papunësisë do të ketë një mesatare vjetore prej 2.3%
Të ngjashme
Të tjera nga Tematike
E-Diaspora
-
Paris
Paris: Sukses i madh i filmit “Tashko & Koço” Filmi :”Tashko & Koço një love story shqiptar”...
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen