Shkurt.ch
Zvicra rrit shërbimet e trenave dhe zvogëlon fluturimet
Për shkak të ndryshimeve klimatike, Zvicra rrit shërbimet e trenave dhe zvogëlon fluturimet
Zvicra ka rritur shërbimet e trenave për rrugët ndërkomëtare për t’iu shmangur fluturimeve që dëmtojnë klimën.
Meqenëse lëvizja kundër fluturimit, e njohur si “shaming”, po fiton vrull në gjithë Evropën, Zvicra po shton shërbime të reja të trenave në disa prej rrugëve të saj ndërkombëtare. Ndërmarrja TGV Lyria, e cila është në pronësi të përbashkët të Hekurudhave Federale Zvicerane dhe SNCF të Francës, po shton trenat në lidhjen e saj me shpejtësi të lartë midis qyteteve të mëdha zvicerane dhe Parisit.
Duke filluar nga 15 dhjetori, 30% më shumë lidhje do t’i ofrohen kryeqytetit francez nga Gjeneva, Cyrihu, Lozana dhe Bazeli. Kjo do të thotë një rritje nga 13.500 vende aktualisht në dispozicion, çdo ditë në 18,000 deri në fund të vitit 2020, shkruan gazeta zvicerane TheLocal.ch.
Qëllimi i shërbimit të zgjeruar është zhvendosja e pasagjerëve nga fluturimet me destinacion të shkurtër hekurudhor. Koha e fluturimit nga Gjeneva ose Cyrihu në aeroportin Charles De Gaulle zgjat pak më shumë se një orë, ndërsa Lyria lidh qytetet zvicerane me stacionin Lyon të Parisit në pak më shumë se tre orë.
Drejtori i Përgjithshëm i TGV Lyria, Fabien Soulet, për gazetën Le Monde është shprehur i bindur se kjo do të jetë në të mirën e klimës.
“Jam i bindur që çështjet e klimës dhe vetëdija e individëve për gjurmën e tyre të karbonit do të transformojnë tregun. Në Zvicër shqetësimi është veçanërisht i fortë”, tha Soulet.
Dëmet që transporti ajror po i shkakton mjedisit përmes emetimeve të gazrave serë janë të mëdha.
Paneli Ndërqeveritar me bazë në Gjenevë për Ndryshimet Klimatike tha që aeroplanët kontribuojnë në 4.9% të ndryshimeve klimatike të shkaktuara nga njeriu. Në Zvicër, 10% e emetimeve i atribuohen sektorit të aviacionit, përcjell albinfo.ch.
Të ngjashme
Të tjera nga Shkurt.ch
E-Diaspora
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant