Bota
PPE, pas kundërshtimit për zgjerim: Kjo dëmton interesat rajonale
Në ditën e parë të samitit të Këshillit të Bashkimit Evropian, Danimarka dhe Holanda iu bashkuan Francës, duke shprehur kundërshtinë e tyre ndaj çeljes së bisedimeve të pranimit të Shqipërisë dhe Maqedonisë së Veriut.
Parisi i pranoi përpjekjet e Shkupit, veçanërisht pas marrëveshjes së ndryshimit të emrit me Greqinë, por në rastin e Shqipërisë, të tri vendet shprehën shqetësime mbi përparimin e reformave të nevojshme, përcjell albinfo.ch.
Për Roland Freudenstein, drejtor i politikave të Wilfried Martens, Center for European Studies, i Partive Popullore Europiane PPE, qëndrimi i qeverisë së Macron e izoloi vendin, duke i shtuar disa “pengesa të fundit të politikës franceze për Evropën”.
“Kjo dëmton gjithashtu interesat rajonale të BE-së”, tha ai për EURACTIV, duke shtuar, se vetoja franceze në thelb thekson një dilemë që është karakteristike edhe për vende të tjera.
“Nga njëra anë, ka një lodhje të gjerë nga zgjerimi mes popujve, veçanërisht atyre në Europën Perëndimore, e kjo i detyrohet dhe problemeve të sundimit të ligjit në Poloni dhe Hungari”, shprehet ai.
Gjithashtu, thekson Freudenstein, ekziston problemi i besueshmërisë së Unionit në Ballkanin Perëndimor, pasi bisedimet e pranimit ishin premtuar në një nivel politik, shkruan Top Channel, përcjell Klan Kosova.
Po kështu ai nënvizon rrezikun se këto vende do të shtyhen drejt krahëve të hapur të Rusisë, Kinës dhe Turqisë, nëse blloku evropian nuk tregon se është serioz për zgjerimin.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut