Lajme
Qeveria zvicerane planifikon qasje më të lehtë në shëndetin mendor
Projekti i ri i Këshillit Federal zviceran përshkruan masat për të ofruar trajtim më të shpejtë te njerëzit që kanë nevojë për kujdes urgjent psikiatrik, shkruan thelocal.ch, përcjell albinfo.ch.
Masat e propozuara përfshijnë qasje më të shpejtë në trajtimin psikoterapeutik në situata krize dhe disponueshmëri më të gjerë të terapistëve të kualifikuar të licencuar nga kantoni.
Qeveria përcaktoi gjithashtu që shërbimet e ofruara nga psikologë të trajnuar në psikoterapi duhet të rimbursohen nga sigurimi bazë shëndetësor, por vetëm nëse ato përshkruhen nga një mjek.
Aktualisht vetëm psikiatër janë të mbuluar nga sigurimet, por jo psikologët, përcjell albinfo.ch.
Sipas Federatës Zvicerane të Psikologëve, gati gjysma e popullsisë së vendit ka nevojë për mbështetje psikiatrike të paktën një herë në jetën e tyre. Sidoqoftë, qasja në psikoterapinë ambulatore shpesh është e mbushur me pengesa, siç janë koha e gjatë e pritjes, e cila, në disa raste, mund të vonojë trajtimin deri në disa javë.
Studime të ndryshme të kryera në disa vitet e kaluara tregojnë gjithashtu se shumë banorë zviceranë vuajnë nga çrregullime mendore të lidhura me punën. Për shembull, 27.1 për qind e punëtorëve zviceranë ankohen nga stresi dhe rreth 30 për qind ndjehen “të djegur emocionalisht” në punët e tyre.
Dhe Observatori Zviceran i Shëndetit raportoi se të paktën 200,000 njerëz (në një popullsi prej 8.5 milionë) pranojnë se u përpoqën të vetëvriteshin një herë gjatë jetës së tyre.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse