Dardania fiton turneun e Federatës në St. Gallen

Skuadra shqiptare ka bërë një paraqitje shumë të mirë, duke lënë mbresa

Skuadra shqiptare KF Dardania ka marrë pjesë në turneun zyrtar të Federatës së Futbollit të Zvicrës në Saint Gallen.

Kjo ishte hera e parë që skuadra shqiptare merr pjesë në një garë të tillë, derisa ishte ekipi i nivelit me poshtë se të gjitha ekipet tjera, shkruan albinfo.ch.

KF Dardania humbi lojën e parë, por gjithashtu edhe portierin, i cili u lëndua. Ai u zëvendësua nga një lojtar në fushë, i cili deri në fund mbeti si portier.

Më pas KF Dardania fitoi të gjitha ndeshjet tjera, duke mundur ekipe si FC Saint Gallen U21 dhe Rappersëil-Jona, të cilet luajnë katër nivele më lartë se Dardania.

Në finale mposhtën ekipin SC Brühl Sanit Galle me rezultatin 1:0, një ekip i cili luan në ligën e tretë gjysmëprofesionale të Zvicrës dhe i cili ishte favorit për titullin.

Portieri i Dardanisë, i cili në fakt nuk ishte portier, u zgjodh nga organizatorët si portieri më i mirë i turneut.

Dardania nuk fitoi vetëm titullin, por edhe shumë simpati nga rajoni. Një ditë e madhe dhe një histori të cilën e shkruan vetëm futbolli.

 

---