Lajme
Arkeologët: Zona e Badovcit duhet mbrojtur dhe hulumtuar
Këto sëpata prej guri janë gjetur kur po ndërtohej penda e liqenit të Badovcit.
Stoli mesjetare të shekujve X e XI pas Krishtit, të evidentuara në këtë vend, janë pjesë e një katalogu të botuar më 1988 nga Akademia e Shkencave dhe Arteve e Serbisë, Muzeut Popullor të Beogradit dhe Muzeut të Kosovës.
Arkeologët thonë se artefaktet më të rëndësishme që janë gjetur në Badvoc janë pjesë e koleksionit që ndodhet në Beograd, e që Kosova nuk ka arritur ta rikthejë as 20 vjet pas luftës.
Në kohën kur debati për ndërtimet rreth liqenit të Badovcit është në kulm, arkeologët e potencojnë rëndësinë arkeologjike të këtij vendi, për të cilin thonë se duhet mbrojtur e hulumtuar, raporton “Express” i KTV-së.
Arkeologu Haxhi Mehmetaj thotë se kur po ndërtohej penda e liqenit për ujë të pijes, u gjetën gjurmët e një vendbanimi të periudhës parahistorike.
Mehmetaj thotë se kjo pjesë nuk është hulumtuar nga arkeologët që nga vitet ’60, por, sipas tij, Badovci është një vend me rëndësi të madhe arkeologjike.
Enver Rexha, drejtor i Institutit Arkeologjik të Kosovës, thotë se edhe arkeologët do t’i dalin në mbrojtje trashëgimisë arkeologjike të Badovcit.
Sipas tij, institucionet e trashëgimisë kulturore në Kosovë ruajnë artefakte të gjetura në Badovc, por shton se më të rëndësishmet ndodhen në Beograd.
Aktualisht janë mbi 20 mijë qytetarë që po e kundërshtojnë ndërtimin e një lagjeje luksoze vetëm 40 metra larg ujit të liqenit të Badovcit, përcjell Albinfo.ch.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër