Lajme
Stuhia “Sabine” në Zvicër lë pas vetes një të vdekur dhe tre të lënduar
Erërat e forta, disa që arrijnë pothuajse 150 km/orë, kanë shkaktuar ndërprerje të udhëtimit, ndërsa stuhia Ciara goditi Zvicrën herët të hënën në mëngjes
Një burrë ka humbur jetën në një aksident trafiku në kantonin e Fribourg, të shkaktuar nga erërat e fuqishme të stuhisë “Sabine”. Ndërkaq, tre persona janë lënduar në aksidente të tjera që po kështu lidhen me stuhinë. Një person është lënduar në Rickenbach (LU), ndërsa në Adliswil (ZH), kjanë lënduar dy persona.
Stuhia ka ndikuar në trafikun ajror, rrugor dhe hekurudhor në kantone të ndryshme, ndërsa disa shkolla i kanë liruar nxënësit.
Stuhia që ka goditur Britaninë dhe Evropën Veriore me reshje të mëdha shiu dhe erëra të mëdha goditi edhe Zvicrën. Shpejtësia e erës prej 148 km/orë u regjistrua në zona të ulëta, të tilla si në Rünenberg në kantonin Basel Landschaft, sipas shërbimit të transmetimit publik, SRF Meteo, përcjell albinfo.ch.
Stuhia ndikoi në trafikun ajror. Të hënën në mëngjes, Aeroporti i Cyrihut njoftoi se 50 nisje dhe 50 mbërritje ishin anuluar. Në Bazel-Mulhouse, rreth 180 fluturime u anuluan të hënën në mëngjes.
Rreth 30 fluturime u anuluan të hënën duke u nisur dhe mbërritur në Aeroportin e Gjenevës; vonesa të mëtejshme priten në aeroport deri në mëngjesin e së martës. Ndërkohë, Zvicra jugore është kursyer kryesisht, sipas MeteoSwiss, përcjell tutje albinfo.ch.
Stuhia shkaktoi gjithashtu disa ndërprerje të shërbimeve hekurudhore. Në Zvicrën që flet frëngjisht, janë prekur linja të ndryshme midis Le Noirmont (Jura), Tavannes (Bernë), Saignelégier (Jura), La Chaux-de-Fonds, Neuchâtel dhe Porrentruy dhe Bonfol (Jura), duke shkaktuar vonesa dhe anulime.
Të dielën në mbrëmje një pemë ka goditur kabinën e shoferit të një treni pasagjerësh pak para se të hynte në stacionin në Moutier, por nuk ka shkaktuar lëndime, përcjell albinfo.ch. Linja të tjera janë prekur, të tilla si ajo midis Romont dhe Bulle në kantonin Fribourg, si dhe në shumë pjesë të tjera të Zvicrës gjermanishtfolëse.
Ka pasur edhe pemë të çrrënjosura dhe të rëna në disa rrugë në rajonin qendror të vendit. Rajonet Schaffhausen, Aarau, Solothurn, Jura e Bernës dhe Zvicra qendrore ishin prekur veçanërisht keq, njoftoi Viasuisse.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Zvicër: Priten qira akoma më të shtrenjta gjatë vitit të ardhshëm Mungesa e banesave në Zvicër “nuk do të përmirësohet së shpejti”. Për shkak të aktivitetit të...
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme