Qeveria e Kosovës mbyll shkollat deri më 27 mars

Qeveria ka njoftuar se që nga dita e enjten, deri më 27 mars, të gjitha shkollat në vendin tonë do të mbyllen për shkak të coronavirusit.

Kjo është bërë e ditur në mbledhjen e Qeverisë.

Sipas, Institutit Kombëtar i Shëndetësisë Publike, deri me tani Kosova ende nuk ka të infektuar me coronavirus.

IKSHP, apelon të kihet kujdes duke i respektuar rregullat e përcaktuara nga instituti.

Sikurse edhe ditëve të kaluara, MSh dhe IKSHPK do ta njoftojnë në kohë reale publikun për rastet e testuara për coronavirus dhe rezultatet e tyre.

Gjatë mbledhjes ministri i Shëndetësisë, Arben Vitia tha se pavarësisht se në Kosovë nuk ka asnjë rast të konfirmuar me koronavirus pas mbledhjes së Komitetit në ora 16:00 është rekomanduar që të merren masat paraprake për këtë sëmundje.

Të gjithë vendimet sa i përket masave mbrojtëse nga koronavirusi:

Ndërprerja e procesit edukativo-mësimor në të gjitha nivelet deri me datën 27 mars 2020

Të lirohet njëri prind nga puna, kjo nuk vlen për punëtorët shëndetësorë dhe ata të sigurisë

Pezullimi përkohshëm i linjave ajrore nga vendet me rrisk të madh dhe të mesëm

Kontrollimi i QKMF- nga të gjitha hyrje daljet e qytetarëve nga zonat epidemike dhe ndërmarrja e masave parandaluese

Karantimi i detyruar për të gjithë qytetarët që hynë nga vendet e rrezikshme nga kjo epidemi

Në rast se personat nuk mund të karantinohen, të vendosen në karantina të përbashkëta

Aktivitetet publike mund të zhvillohen të mbyllura pa praninë e publikut si ngjarjet sportive, tubime, koncerte, konferenca deri në një vendim tjetër

Të ndalohet veprimtaria e restoranteve, klubeve të natës, pishinave pas orës 23:00

Ndalohen pajisjet mjekësore përveç me vendim të qeverisë

Të gjitha ndërmarrjet publike private të bëjnë dezinfektim

Ndërmarrjet publike për transport obligohen të bëjnë dezinfektim

Të ndalohet transporti ndërkombëtare si autobus, minibus me rrezik të lartë, përcjell Albinfo.ch

---