Covidi nuk i ndal turistët në Shqipëri

Në Shqipëri ka arritur edhe aeroplani i dytë me turistë për këtë sezon.

Shqipëria çdoherë e më shumë po bëhet tërheqëse për turistët e huaj. Edhe pse në kohë pandemie, kësaj radhe turistët nga Ukraina kanë zgjedhur pikërisht Shqipërinë për t’i kaluar pushime verore. Një aeroplan çarter i kompanisë “Belavia” ka zbarkuar në aeroportin e Rinasit me 157 turistë nga Ukraina, shkruan albinfo.ch.

Edhe pse turizmi në Shqipëri, si në vendet e tjera, pritet të goditet rëndë nga pasojat që ka sjellë pandemia e koronavirusit, duket se turistët nuk kanë të ndalur.

Po ashtu, duhet theksuar se dy javë më parë, mbërriti edhe një tjetër aeroplan nga Bjellorusia me 179 turistë, shkruan albinfo.ch.

Gjathashtu thuhet se në ditët në vijim priten edhe shumë turistë nga shumë shtete evropiane, duke u premtuar edhe kujdes shëndetësor të gjithë turistëve.

Ndryshe, Shqipëria momentalisht i ka të hapur kufijtë me të gjitha vendet e rajonit. /Albinfo.ch

 

---