Lajme
Zvicra zë vendin e parë në botë për prodhimin ventilatorëve
Prodhuesit kryesorë të ventilatorëve në botë janë me bazë në Zvicër.
Hamilton Bonaduz AG ka ngritur normën e prodhimit në mënyrë që së shpejti mund të sigurojë 900 ventilatorë për Zvicrën. Por, jo vetëm kaq, së fundmi, qeveria mbështet prodhimin e ventilatorit me kosto të ulët edhe jashtë vendit, transmeton albinfo.ch.
Instituti i teknologjisë federale zvicerane ETH Cyrih ka zhvilluar një mënyrë për të prodhuar ventilatorë të thjeshtë dhe me kosto të ulët. Sipas marrëveshjes, grupi i parë i pajisjeve do të prodhohet në Ukrainë.
Qeveria zvicerane ka nënshkruar një marrëveshje me Ukrainën për të filluar një projekt fillestar zviceran që do të prodhojë ventilatorë të thjeshtë dhe të përballueshëm.
Ministri i Jashtëm, Ignazio Cassis dhe ambasadori i Ukrainës në Zvicër, Artem Rybchenko, nënshkruan një marrëveshje ku përshkruhen kushtet e 1.5 milion CHF (1.6 milion dollarë) në fondet fillestare.
Projekti humanitar synon të lehtësojë mungesën e ventilatorëve në disa vende në zhvillim me ndihmën e institutit federal të teknologjisë ETH Cyrih. Mes pandemisë Covid-19, ETH Cyrihu zhvilloi një mënyrë për të prodhuar ventilatorë thjesht dhe lirë, duke përdorur përbërës kryesisht standardë të disponueshëm në vend, shkruan swissinfo.ch.
“Ky projekt është një shembull i diplomacisë shkencore”, tha Cassis. “Kjo gjithashtu tregon potencialin e bashkëpunimit me komunitetin shkencor për zhvillim të qëndrueshëm”.
Grupi i parë i madh i pajisjeve do të prodhohet në Ukrainë dhe do t’u dorëzohet qendrave shëndetësore dhe posteve të ndihmës së parë në vend. Ventilatorët gjithashtu mund të eksportohen në vendet në zhvillim.
Në një deklaratë ministri i Jashtëm tha se ventilatorët jo vetëm që mund të ndihmojnë me simptomat e Covid-19, por mund të përdoren gjithashtu për një gamë të gjerë të nevojave shëndetësore, siç është në klinikat ambulantore. /Albinfo.ch
Të ngjashme
Të tjera nga Lajme
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Numri i punëtorëve ndërkufitarë në Zvicër është rritur Në fund të marsit, në Zvicër ishin rreth 400,000 mbajtës të lejeve G të punësuar –...
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?