Lajme
Zvicra, e shqetësuar me rritjen e numrit të infektimeve
Në Zvicër mund të vijë një valë e dytë e infektimeve me koronavirus
Zyrtarët zviceranë kanë shprehur shqetësim për rritjen e infeksioneve të koronavirusit në Zvicër gjatë javëve të fundit. Të premten ishin 134 raste të konfirmuara, të tretën ditë me radhë rastet ishin mbi 100 dhe se ky numër është shqetësuses, pasi që paraqet një valë të dytë të infektimeve, transmeton albinfo.ch.
Nuk është “e mundur të parashikohej se sa shpejt numri i të prekurve do të rritet përsëri”, deklaroi Patrick Mathys nga Zyra Federale për Shëndetin Publik (BAG).
Zvicra, e cila ka hequr shumë nga kufizimet e saj të bllokimit, ka regjistruar gjithsej mbi 32,000 teste pozitive për Covid-19 deri më tani, ndërsa 1.965 njerëz kanë vdekur. Por, numri i infeksioneve ka filluar të rritet përsëri që nga mesi i qershorit, duke shkaktuar shqetësime për një valë të dytë, transmeton albinfo.ch.
Sipas informacioneve nga autoritetet shëndetësore, aktualisht, 12 persona janë në ventilatorë të kujdesit intensiv në spitalet zvicerane.
Situata ndërkombëtare gjithashtu nuk duket shumë optimiste, shtoi Mathys, i cili është drejtues i menaxhimit të krizave dhe bashkëpunimit ndërkombëtar në BAG. “Ka disa pika të nxehta në gjithë botën, ku rastet po shpërthejnë”. Ai përmendi Shtetet e Bashkuara, Brazilin dhe Rusinë në veçanti.
Situata në vendet fqinje të Zvicrës po shkaktonte shqetësim gjithashtu.
Mathys tha se dy masa të reja kombëtare në Zvicër që nga e hëna e ardhshme e 6 korrikut është mbajtja e detyrueshme e maskave në transportin publik dhe një karantinë dhjetë ditore për njerëzit që vijnë në Zvicër nga 29 vende “në rrezik”, e cila përfshin Shtetet e Bashkuara dhe Brazilin. /Albinfo.ch
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut