Trend i rënies së infeksioneve në Zvicër: 63 raste të reja gjatë 24 orëve

Mesatarisht gjatë 7 ditëve të kaluara, janë raportuar 81.7 infeksione të reja në ditë

Zyra Federale e Shëndetit Publik (BAG) ka raportuar 63 infeksione të reja, me virusin e koronës që kanë ndodhur në 24 orët e fundit në Zvicër dhe Lihtenshtajn, shkruan srf.ch.

85 raste të reja ishin raportuar të dielën, 108 të shtunën dhe 104 të premten, transmeton albinfo.ch. Mesatarisht gjatë 7 ditëve të kaluara, janë raportuar 81.7 infeksione të reja në ditë, që është 14 për qind më pak  se sa gjatë 7 ditëve pararendëse.

Deri më tani janë gjithsej 32.946 raste të konfirmuara nga laboratori Covid-19 ndërsa 1686 njerëz kanë vdekur pasi që më parë ishin testuar pozitivisht për Covid-19.

Gjithsej 4091 njerëz janë detyruar të shtroheshin në spital që nga fillimi i pandemisë, tre më shumë se një ditë më parë.

Numri i testeve të kryera deri më tani ka arritur në 686.349. Rezultatet kanë dalë pozitive në 5.7 për qind të këtyre testeve.

---