‘Venitet’ optimizmi per rikthimin e punëve të humbura

Keystone

Pothuajse gjysma e amerikanëve, familjet e të cilëve pësuan një pushim pune gjatë pandemisë së koronavirusit tani besojnë se ato vende pune janë të humbura përgjithmonë, tregon një sondazhi.

Në prill, 78% e familjeve me humbje pune menduan se kjo do të ishte e  përkohshme. Tani, 47% mendojnë se punëm e kanë humbur përfundimisht, sipas sondazhit të fundit nga Qendra e Studimeve Publike të Associated Press-NORC.

Kjo nënkupton që afro 10 milion punëtorë që do të duhet të gjejnë një punëdhënës të ri, nëse jo një profesion të ri.

Ndërsa, në SHBA shumë studentë do të fillojnë vitin shkollor në internet, duke e bërë më të vështirë për prindërit të bëjnë punë jashtë shtëpive të tyre.

“Sinqerisht, në këtë pikë, nuk do të ketë punë për t’u rikthyer”, tha Tonica Daley, 35 vjeç, e cila jeton në Riverside, California, dhe ka katër fëmijë nga 3 deri në 18 vjeç.

Daley u tërhoq nga puna e saj si menaxhere në J.C Penney, e cila kishte paraqitur shenja falimentimi.

Rimëkëmbja e ekonomisë ka treguar shenja të ngecjes, numri i punëtorëve të pushuar që kërkojnë përfitime nga papunësia u rrit javën e kaluar për herë të parë që nga marsi, ndërsa numri i infeksioneve u rrit në 4 milion, shkruan “AP”, përcjell albinfo.ch