50 për qind më pak kosovarë që shkojnë në Shqipëri

Këtë vit përgjysmohet numri i kosovarëve që shkojnë në Shqipëri, për dallim nga viti 2019

Sipas informacioneve të fundit, thuhet se rreth 50 për qind më pak ka kosovarë që hynë në Shqipëri për pushime këtë vit, përcjell albinfo.ch.

Komandanti i stacionit policor të kufirit në Vërmicë, Arbër Telaku, ka deklaruar për Klan Kosova se krahasuar me vitin e kaluar, deri në këtë muaj lëvizja e qytetarëve në këtë pikë kufitare është mbi 50 për qind më e ulët.

“Krahasimi për muajin korrik të vitit 2020 me atë të vitit 2019, ka dallim jashtëzakonisht të madh. Kemi 50 për qind më pak lëvizje krahasuar me vitin e kaluar për këtë periudhë”.

Ndërkaq, sipas Telakut, nëse krahasohen statistika vjetore, llogaritur nga janari e deri tani në fund të korrikut, kemi minus 55 për qind.

---