Lajme
BAG: Përkundër rritjes së numrave, në Zvicër nuk ka valë të dytë të pandemisë
Meqenëse nuk ka rritje eksponenciale, BAG nuk flet ende për një valë të dytë. “Ne do ta bënim këtë vetëm nëse do të kishte përsëri një rritje eksponenciale
Në konferencën e rregullt për emdia që u mbajt në Bernë, Stefan Kuster nga Zyra Federale e Shëndetit Publik (BAG) nuk është shprehur i shqetësuar pavarësisht numrit në rritje të rasteve pozitive. Të kujtojmë: gjatë 24 orëve të fundit në Zvicër janë raportuar 405 infeksione të reja, numër ky që është më i larti që nga mesi i prillit.
“Numri i riprodhimeve është pak më i ulët se 1”, ka thënë sot para mediave në Bernë kreu i sektorit të sëmundjeve ngjitëse në kuadër të BAG, shkruan srf.ch.
Situata është e qëndrueshme edhe për sa u përket shtrimeve në spital dhe rasteve të vdekjeve.
Por, a është kjo vala e dytë? – ka qenë pyetja e gazetarëve. Meqenëse nuk ka rritje eksponenciale, BAG nuk flet ende për një valë të dytë. “Ne do ta bënim këtë vetëm nëse do të kishte përsëri një rritje eksponenciale. E pra, aktualisht nuk e kemi këtë rritje”, përcjell albinfo.ch. Fjala është për faktin se nuk ka rritje të masës me të cilën një i infektuar e përhap sëmundjen më tej.
Se si do të zhvillohet situata më tutje, nuk mund të parashikohet, ka thënë Kuster. Kjo varet nga ata që kthehen nga pushimet, nga efektet e aktiviteteve masive që është vendosur të lejohen etj. Edhe vjeshta gjithashtu mund të ketë një ndikim.
Përpjekjet e popullatës dhe kantoneve po japin fryte, është shprehur më tutje Kuster, transmeton albinfo.ch. Të gjithë janë të thirrur që të angazhohen për të parandaluar një rritje të madhe të sërishme.
Mbi 70,000 njerëz janë testuar gjatë javës së kaluar. Mosha e të sëmurëve është e ndryshme nga ajo e fillimit. Tre të katërtat e rasteve ndodhin tek personat nën 40 vjeç. “Në valën e parë ishte pikërisht e kundërta”, ka thënë Kuster, duke iu referuar moshës së shtyrë të të infektuarve nga fillimi i pandemisë.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut