Shkollat mund të mbyllen sërish

Foto Ilustrim

Ministria e Arsimit e Kosovës ka paralajmëruar se në rast të përkeqësimit të gjendjes epidemiologjike, atëherë mund të mbyllen shkollat, raporton albinfo.ch.

“Ministria e Shëndetësisë dhe IKShPK, bazuar në Ligjin për parandalimin dhe luftimin e pandemisë COVID-19, nëse situata pandemike përkeqësohet, mund të marrin vendim për mbylljen e shkollave. Prandaj, MASS kërkon nga task forcat e shkollave dhe të DKA-ve që, përveçse të kujdesen për zbatimin e të gjitha masave, të vlerësojnë edhe situatën dhe ato shkolla që kanë vështirësi në organizim, të respektojnë vendimin e Ministrisë së Arsimit për fillimin e vitit të ri shkollor 2020-2021 në kushte pandemie dhe të kalojnë në mësim online, sipas Protokolit të reagimit ndaj pandemisë COVID-19 në shkolla dhe Udhëzuesit të MASH”, thuhet në njoftimin e Ministrisë së Arsimit.