Kosova
44% më shumë vizitorë në shtator: “Faleminderit, Kosovë, na shpëtuat turizmin”
Muaji shtatori ka sjellë pak frymëmarrje për turizmin në Shqipëri, pas situatës së vështirë që ai po kalonte që nga marsi, kur për gati tre muaj lëvizja ishte pothuajse e bllokuar dhe pas një vere të vakët, ku ata që i mbajtën hotelet në këmbë ishin shtetasit nga Kosova, transmeton albinfo.ch.
Të dhënat e INSTAT treguan se në shtator 2020 hyrjet e shtetasve të huaj në territorin shqiptar janë 377.033. Krahasuar me shtator 2019, ky numër ka rënë me 36,2%. Ndonëse në rënie, tkurrja ishte më e ulët se në periudhat e mëparshme, ku në gusht hyrjet e të huajve ranë me 63% dhe në korrik me -67.1%.
Kosova është në fakt shpëtimtari i turizmit këtë verë. Vetëm në shtator erdhën 239 mijë turistë nga Kosova, që përbënin 64% të totalit të të huajve që hynë në vend këtë shtator. Hyrjet e shtetasve nga Kosova në shtator ishin 44% më të larta se e njëjta periudhë e një viti më parë, duke mbajtur të zëna hotelet në gjithë vendin dhe duke kompensuar rënien e turistëve nga Maqedonia (-50% në shtator), Greqia (-87%), Italia (-69%), Mali i Zi (-46%) etj.
Ish-deputeti demokrat, Florion Mema, është shprehur se sipas statistikave ‘Kosova shpëtoi turizmin shqiptar, në shtator erdhën 44 për qind më shumë vizitorë’.
Ai ka falënderuar kosovarët, dhe thotë se Edi Rama ua vendosi traun për pagesën e taksës së Rrugës së Kombit.
“Thjesht:”Faleminderit Kosove! Ta mbyllen deren, te vunë traun me pagesë, të përqeshen, të hodhen në gjyq, por ti erdhe, erdhe në vendin amë, aty ku ke rrënjët, aty ku i thonë bukës bukë, nanes nane e vellait vella. Erdhe, u shplodhe por edhe harxhove, bleve “shqip” mallra e sherbime duke ndihur ekonomine e vendit ame. Erdhe nga rruga me e bukur ne bote, Rruga e Kombit, veper e atyre burrave vizionare, qe, per bashkimin, levizen malet”, është shprehur Mema. /Albinfo.ch
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve