A munden turistët të përdorin certifikatën Covid të Zvicrës për të hyrë në ngjarje, klube dhe restorante?

Po, certifikata Covid e Zvicrës kërkohet për të hyrë në disa ngjarje dhe vende të mëdha, por me një certifikatë (dëshmi) vaksinimi në shtetin tuaj, që pasyqron se jeni vaksinuar me dy doza, atëherë nuk do të keni asnjë problem.

Zvicra ka kohë që lëshoi certifikatën e saj Covid-19, e cila siguron të drejta dhe privilegje të caktuara për mbajtësit për udhëtime dhe ngjarje.

Certifikata – e cila është e disponueshme në formë letre dhe dixhitale përmes aplikacionit të certifikatës Covid – do t’ju lejojë të keni qasje në disa ngjarje dhe vende të mëdha.

Rregullat aktuale thonë se çdo ngjarje me më shumë se 1.000 njerëz do të kërkojë që të gjithë të pranishmit të kenë një certifikatë Covid.

Vendet me një kapacitet më pak se 1.000 njerëz mund të vendosin të kërkojnë një certifikatë Covid, duke përfshirë bare, restorante, klube nate dhe lokale sportive dhe koncertesh.

Nëse ata vendosin të kërkojnë një certifikatë Covid, ata mund të kenë përfitime shtesë, të tilla si pa kërkesë për maskë, pa kërkesa për distancë, etj.

BE-ja ka premtuar të njohë aplikacionin “Swiss Covid Certificate” në të gjitha vendet e BE / EFTA / Shengen. Prandaj, nëse po shkoni jashtë vendit, skanoni kodin tuaj QR në aplikacionin Certifikata Covid dhe jeni gati të udhëtoni. /Albinfo.ch