Profesionistët shqiptarë në diasporë dhe ura lidhëse me Kosovën

Zv/ministrja kosovare e Punëve të Jashtme dhe Diasporës, Liza Gashi ka bërë të ditur se gjatë javës që shkoi ka zhvilluar dy bashkëbisedime të ndara me përfaqësues të shoqatave dhe me profesionistët e diasporës shqiptare në Ambasadën e Kosovës në Vjenë, ku u diskutua për krijimin e urave lidhëse të investimit, edukimit dhe inovacionit në Kosovë.

“Fokus të madh gjatë bashkëbisedimeve mori edhe tema për krijimin e mekanizmave më të mirë të organizimit të diasporës dhe përkrahja e më shumë aktiviteteve kulturore që ka për qëllim integrimin, por jo asimilimin”, ka shkruar Gashi, transmeton Albinfo.ch.