Kosova

Kurti e Lajçak takohen në Vjenë

Ata diskutuan për dialogun Kosovë-Serbi

E hënë, 22 Nëntor 2021 - 20:25 albinfo.ch

Përfaqësuesi Special i BE-së për dialogun Kosovë-Serbi Miroslav Lajçak ka takuar kryeministrin e Kosovës Albin Kurti i cili po qëndron në një vizitë disa ditore në Austri.

Përmes një postimi në Twitter, Lajçak bëri të ditur se me Kurtin ka zhvilluar diskutim të thellë për të gjetur rrugë, në dialogun Kosovë-Serbi.

“Sot në Vjenë pata një diskutim të thellë me kryeministrin e Kosovës Albin Kurti, për gjendjen aktuale të bisedimeve dhe rrugën përpara në Dialogun e lehtësuar nga BE-ja”, shkruan Lajçak, transmeton Albinfo.ch.