Qiratë në Zvicër do të rriten më 2022

pixabay

Faji për rritjen e çmimit të karburantit për ngrohje: ndërsa tani kushton mesatarisht 2100 franga mbushja e një cisterne 3000 litra (konsumi mesatar i një shtëpie në vit), çmimi do të shkojë deri në 3150 franga, transmeton albinfo.ch.

Gjithashtu, duke qenë se objektivi i reduktimit të emetimeve të CO2 për Zvicrën nuk është arritur vitin e kaluar, urdhëresa e CO2 parashikon që taksat për lëndët djegëse fosile duhet të rriten me 120 franga për ton CO₂, ose gati 7 centë shtesë për litër naftë.

Për të kursyer në kostot e ngrohjes, qiramarrësve u kërkohet të ulin temperaturën në dhoma me 1 deri në 3 gradë, gjë që mund të rezultojë në kursimin e 15 deri në 20 për qind të nxehtësisë.