Lajme
Kancelari austriak paralajmëron vizitë në Kosovë
Kancelari i Austrisë, Karl Nehammer, do ta vizitojë Kosovën, Serbinë dhe Bosnjë e Hercegovinën, në një vizitë dyditore.
Ndalesa e parë e tij do të jetë Serbia, Bosnjë e Hercegovina, e pastaj do të ndalet në Kosovë.
Nehammer ka vënë në pah që BE-ja ka një interes të veçantë për zhvillimin e mirë ekonomik në të gjitha vendet e Ballkanit Perëndimor.
“Ne kemi një interes të veçantë për stabilitetin dhe zhvillimin e mirë ekonomik në të gjitha vendet e Ballkanit Perëndimor”, theksoi Nehammer.
Sulmi mbi Ukrainën nga ana e Rusisë ka terhequr vëmendjen ndërkombëtare ndaj afrimit të ngadaltë të vendeve të Ballkanit Perëndimor me BE-në, për këtë arsye Nehammer dëshiron të theksojë gjatë udhëtimit të tij se BE-ja nuk do të jetë e plotë derisa vendet e Ballkanit Perëndimor të jenë anëtarësuar.
Sipas mediave austriake, më 17 të këtij muaji kancelari do ta vizitojë Serbinë dhe Bosnjën, kurse më 18 viziton Kosovën. Ai do të takohet me presidenten e Kosovës, Vjosa Osmani dhe me kryeministrin Albin Kurti.
Gjatë vizitës së tij në Kosovë, kancelari austriak do të vizitojë edhe ushtarët austriakë të KFOR-it në Kosovë.
Karl Nehammer, herën e fundit që kishte vizituar Kosovën ishte më 28 shtator të vitit të kaluar, atë kohë në cilësinë e ministrit të Brendshëm të Austrisë.
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Zvicër
-
Studiuesit zviceranë zbulojnë çokollatë më të shëndetshme dhe më të qëndrueshme Shkencëtarët në institutin federal të teknologjisë ETH Cyrih kanë zhvilluar një lloj të ri çokollate që...
-
Zviceranët humbasin punën mesatarisht dy javë në vit
-
Zvicra fton Xhemailin në ndeshjet kualifikuese për Evropian
-
Testi, i detyrueshëm për ukrainasit që duan të vazhdojnë vozitjen në Zvicër
-
Migros do të largojë 150 punëtorë nga pika në Cyrih