Austria, masa për mungesën masive të fuqisë punëtore

(KEYSTONE/Martin Ruetschi)

Kreu i shërbimit të papunësisë AMS të Austrisë, Johannes Kopf, ka bërë thirrje për kujdes mbarëkombëtar gjithëditor për fëmijët që nga ditëlindja e tyre e parë, në mënyrë që të luftohet “mungesa masive e fuqisë punëtore” në Austri, përcjell Albinfo.ch.

Ai rekomandon gjithashtu që kompanitë të rimendojnë kërkimin e tyre për personel, si për shembull, t’u japin një shans më shumë grave në punë me kohë të pjesshme, të moshuarve ose personave me aftësi të kufizuara.

Ai tha gjithashtu se qeveria mund të kufizojë stimujt për pension të parakohshëm dhe të inkurajojë njerëzit të rrisin nivelin e tyre të arsimimit, raporton transmetuesi ORF.