Sulmi në Mal të Zi, 11 të vdekur dhe 10 të lënduar

Jozyrtarisht mediat raportojnë për njëmbëdhjetë të vdekur dhe dhjetë të plagosur

Të paktën 11 persona janë vrarë të premten në Cetinë të Malit të Zi, raportojnë mediat vendase, përcjell albinfo.ch.

Sipas mediave, pas një konflikti familjar, një burrë 34-vjeçar ka nxjerrë armën dhe ka qëlluar mbi disa persona.

Jozyrtarisht mediat raportojnë për njëmbëdhjetë të vdekur dhe dhjetë të plagosur. Mes të plagosurve është edhe një polic.

Policia ka reaguar menjëherë dhe ka tentuar të neutralizojë të dyshuarin, i cili nuk pranoi të dorëzohej dhe qëlloi në drejtim të punonjësve të policisë. Policia më pas qëlloi disa të shtëna dhe i dyshuari mbeti i vrarë, sipas agjencisë së lajmeve Beta.

Disa persona janë sjellë në Qendrën Spitalore Klinike në Podgoricë. Në vendngjarje ndodhet prokurori i lartë i shtetit, forcat e emergjencës dhe policia.

---