Qeveria zvicerane do të nisë testimin me llogarinë në Instagram

Zyra Federale tha se një pilot-projekt me shërbimin Instagram ishte planifikuar për tetor.

Qeveria zvicerane po zgjeron praninë e saj në mediat sociale dhe do të hapë një llogari në platformën ndërkombëtare të ndarjes së fotove dhe videove.

Zyra Federale tha se një pilot-projekt me shërbimin Instagram ishte planifikuar për tetor.

“Qëllimi ishte t’u afrohej njerëzve që përdorin mediat sociale, veçanërisht midis grupmoshës 16 deri në 35 vjeç”, tha një zëdhënëse për agjencinë e lajmeve Keystone-SDA të hënën, përcjell Albinfo.ch.

Ajo tha se qeveria zvicerane prej shtatë anëtarësh do të publikojë vendimet e saj dhe informacione të rëndësishme përmes shërbimit, i cili është në pronësi të kompanisë amerikane Facebook, e njohur tani si Meta Platforms.

Zëdhënësja tha se testimi është pjesë e strategjisë së komunikimit të qeverisë, e vendosur vitin e kaluar për të rritur transparencën e punës së ministrave dhe presidencës.

Qeveria zvicerane ka qenë tashmë e pranishme në platformën e ndarjes së videove dhe mediave sociale në internet YouTube dhe në shërbimin e rrjeteve sociale Twitter.

Rreth 2.5 milionë njerëz në Zvicër (nga një popullsi totale prej 8.7 milionë) kanë një llogari në Instagram, sipas Keystone-SDA.

Në vitin 2019, më shumë 80% e qeverive kombëtare në mbarë botën ishin të pranishme në Instagram./Albinfo.ch

---