Si do të reagojë NATO nëse Rusia përdor armë bërthamore

Keystone EPA/ROMAN PILIPEY

Sekretari i Përgjithshëm i NATO-s, Jens Stoltenberg , ka paralajmëruar Rusinë se një “vijë shumë e rëndësishme do të kalohet” nëse përdor armë bërthamore në Ukrainë.

Stoltenberg tha se nuk do të zbulonte përgjigjen e mundshme të aleancës së mbrojtjes në një situatë të tillë, por tha se do të kishte “pasoja të rënda”.

Rrethanat në të cilat NATO mund të përdorë armë bërthamore janë “jashtëzakonisht të largëta”, tha ai gjithashtu në një konferencë shtypi, raporton TCH, transmeton albinfo.ch.

Aleatët e Ukrainës nga 50 vende janë takuar në selinë e NATO-s në Bruksel për një samit që Kievi e quajti “historik”.

Më herët sot, aleatët e udhëhequr nga NATO njoftuan dërgesat e armëve të avancuara të mbrojtjes ajrore në Kiev.