Fundjava e kulturës shqiptare në Lozanë

Platforma mediale albinfo.ch online&print është sponzor medial i këtij eventi kulturor, të cilën e ka mbështetur edhe qyteti i Lozanës

Gjatë muajit nëntor do të mbahet “Fundjava Kulturore Shqiptare”, ku e gjithë vëmendja është për kulturën dhe kombin shqiptar në Zvicër, e organizuar nga Kuvendi i Shqiptarëve të Zvicrës, shkruan albinfo.ch.

Në „Fundjavën kulturore“ do të zhvillohen debate, ekspozitë, aktivitete kulturore, artistike, do të prezantohen libra, histori tradicionale shqiptare, programe muzikore, ndërkohë që do të jepen edhe shfaqje kulturore nga grupe të ndryshme artistike shqiptare.

Platforma mediale albinfo.ch online&print është sponzor medial i këtij eventi kulturor, të cilën e ka mbështetur edhe qyteti i Lozanës.

Më poshtë mund të shihni programin javor se çfarë do të përmbajë “Java Kulturore Shqiptare”:

Adresa:

Casino de Montbenon Allée Emest-Ansermet

3 1003 Lausanne

www.lausanne.ch/casino

Programi:

E premte, 11 nëntor 2022, 19:00 – 22:00

–           Hapja e fundjavës kulturore shqiptare

–           Hapja e ekspozites «fotografi» nga Rexhep Rifati (baca Rexhë).

E shtunë, më 12 nëntor 2022

–           19:00 – 20:30 Debat (në gjuhën shqipe) me temen «Participimi ynë në jetën politike në vendet e prejardhjes» me mysafirë të ftuar:

– Alisa Buzhala, gazetare e Albinfo.ch online dhe print

– Dr. Bashkim Iseni, Drejtor i Zyrës së qytetit të Lozanës për imigrantët,

– Hilmi Gashi, ekspert i çështjeve të migracionit dhe sindikalist,

– Musa Kamenica, politolog,

–           20:30 – 22:00 Program muzikor:

Fatjeta Barbullushi dhe Fejzulla Zumberi.

 

E diel, më 13 nëntor 2022

–           14:00 – 15:00 Informata nga LAPSH-i për shkollën në gjuhën shqipe,

–           15:00 – 15:30 Prezantimi i projektit TutorShqip për mësimin plotësues nga Orhan Spahiu (KSHZ),

–           15:30 – 16:30 Promovimi i librit “101 poezi zvicerane” nga Kujtim Shabani,

–           16:30 – 18:30 Prezantimi i librave të autorëve shqiptarë në Zvicër,

Debat me poetët: Shemsi Makolli, Ilir Xheladini etj.

 

---