Lajme
Gjermani: Kapet shqiptari me 2.3 kg kokainë, me vlerë prej 167.000 eurosh
Policia federale më pas e ka arrestuar përkohësisht 37-vjeçarin dhe e ka çuar në stacionin e policisë federale në Kempen
Policia federale ka sekuestruar 2.3 kilogramë kokainë, me vlerë 167,000 euro, në autostradën federale A 61.
Të premten në mëngjes, më 31 tetor 2022, në orën 01:30, një njësi patrulluese nga policia federale ka kontrolluar një 37-vjeçar shqiptar në një Mercedes C 200 të regjistruar në Hamburg, transmeton albinfo.ch. Ai kishte hyrë në Gjermani nga Holanda në autostradën federale A 61.
Personi në fjalë ka paraqitur për kontroll pasaportën e tij të vlefshme shqiptare. I pyetur për arsyen e udhëtimit, ai u tha policëve në anglisht se ishte nga Antwerp dhe po udhëtonte rrugës për në Hamburg, shkruan ots.de. Ndërsa pyetjes për objekte të ndaluara apo të rrezikshme, si armë, sasi më të madhe parash apo lëndë narkotike, personi i është përgjigjur me jo.
Në kontrollin e pastajmë të automjetit, policët gjetën dy pako me gjithsej 2.3 kilogramë kokainë nën një mbulesë plastike në pjesën e motorit.
Policia federale më pas e ka arrestuar përkohësisht 37-vjeçarin dhe e ka çuar në stacionin e policisë federale në Kempen për përpunim të mëtejshëm.
Pas përfundimit të masave policore në stacion, hetimet e mëtejshme i ka marrë përsipër hetuesia doganore e Essen-it, transmeton albinfo.ch. Vlera në treg e lëndës narkotike është 167 mijë euro.
Ky raport është dërguar më 7 nëntor 2022, në orën 11:10, nga Shtabi i Policisë Federale Sankt.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse