Shqipëri: Moti i keq, pezullohet mësimi në 16 shkolla

Ministria e Arsimit e Shqipërisë bën të ditur se si pasojë e motit të keq është marrë vendimi të pezullohet mësimi në 16 shkolla në veri të vendit, përcjell albinfo.ch.

Pavarësisht se deri tani, në pjesën më të madhe të shkollave situata është nën kontroll, nga verifikimet në terren problematika të rënduara paraqiten në zonën e veriut.

Për të garantuar sigurinë e nxënësve dhe mësuesve, si dhe për të shmangur çdo lloj rreziku të mundshëm, kemi vendosur që ditën e nesërme të pezullohet procesi mësimor deri në përmirësimin e situatës.