Lajme
Presidenti Berset nën presion pas rrjedhjes së informatave mbi Covid-in
Kundër presidentit Berset janë nisur edhe kërkesa nga parlamenti për seancë dëgjimore dhe madje edhe për të dhënë dorëheqjen
Presidenti i Federatës së Zvicrës, Alain Berset, i cili mban postin e ministrit të brendshëm ku bën pjesë edhe resori i shëndetësisë, ndodhet nën presion të madh publik, shkruan albinfo.ch. Ai është bërë pjesë e një afere në lidhje me “rrjedhjen e informacioneve” për masat kundër pandemisë.
Gjyqësori aktualisht po përpiqet të sqarojë nëse ish-kreu i komunikimit i Presidentit Alain Berset i dërgonte vazhdimisht informacione konfidenciale shtëpisë botuese Ringier (gazetës Blick).
Konkretisht bëhet fjalë për informacione për masat e planifikuara për Covid-in, të cilat shtëpia botuese Blick thuhet se i ka marrë në një fazë të hershme. Gazeta “Die Schweiz am Wochenende” ka raportuar dje lidhur me këtë aferë për të cilën thotë se bazohet në email dhe protokolle të marrjes në pyetje.
Ndërkaq presidenti Berset ka folur për RTS (televizioni në gjuhën frënge) të shtunën mbrëma duke e quajtur këtë “indiskrecion të paligjshëm”, transmeton albinfo.ch. Ai nuk mund të thoshte më shumë për këtë. “Duhet ta lëmë drejtësinë të punojë tani”, ka thënë ai.
Duke pasur parasysh një procedurë në vazhdim e cila nuk është e drejtuar kundër tij, ai nuk ka mundur të thotë asgjë më shumë për këtë.
Ndërkohë, kundër presidentit Berset janë nisur edhe kërkesa nga parlamenti për të dhënë dorëheqjen nga presidenca dhe nga qeveria. Më konkretisht, këtë e ka kërkuar një deputet i SVP-së.
“Këshilltari Federal Berset duhet të japë dorëheqjen”. Besueshmëria e tij u dëmtua rëndë dhe procedura nuk kishte të bënte me “punë serioze politike dhe gazetari të pavarur”, ka thënë Alfred Heer për “SonntagsZeitung”.
Ndërsa nënkryetari i Komisionit të Auditimit të Dhomës së Kantoneve Werner Salzmann (SVP/BE) do të thërrasë presidentin Berset në një seancë dëgjimore.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër