Lajme

Amazon u kërkon punonjësve të jenë në zyrë të paktën tre ditë në javë

E shtunë, 18 Shkurt 2023 - 15:40 albinfo.ch

(AP Photo/Cliff Owen)

Amazon po kërkon që punonjësit të jenë në detyrë të paktën tri ditë në javë nga 1 maji, tha të premten gjiganti i tregtisë elektronike.

Pandemia e COVID-19 kishte ndryshuar vendin e punës, me kompanitë që dërgonin punonjësit në shtëpi për të punuar në distancë. Edhe pse bllokimet u lehtësuan në gjithë botën, një numër i madh punonjësish mbeti duke punuar nga shtëpia ose në një mjedis hibrid.

Në një mesazh që u postua në blogun e Amazon, shefi ekzekutiv, Andy Jassy, shkroi se vendimi ishte marrë në një takim në fillim të kësaj jave dhe kjo lëvizje do ta bënte më të lehtë mësimin dhe bashkëpunimin, shkruan “Reuters”, përcjell albinfo.ch.