Avioni rus godet dronin amerikan

Ushtria amerikane ka njoftuar se një avion luftarak rus është përplasur me një dron pa pilot të Shteteve të Bashkuara të Amerikës mbi Detin e Zi. Sipas tyre, droni po kryente operacionet rutinë në hapësirën ndërkombëtare kur dy avionë luftarak rus tentuan ta pengonin. ““Droni ynë i llojit MQ-9 ishte duke kryer një operacion rutinë në hapësirën ndërkombëtare kur u pengua dhe u godit nga avioni rus, duke shkaktuar në rrëzimin dhe shkatërrimin e plotë të dronit MQ-9”, tha gjenerali i forcave ajrore amerikane, James Hecker, shkruan Radio Evropa e Lirë, përcjell albinfo.ch.

Hecker tha se në incident u përfshin dy avionë rusë të llojit Su-27 dhe se ky veprim është joprofesional. “Incidenti ka ndodhur në orën 07:03 të së martën dhe ka detyruar ushtrinë amerikane që ta rrëzojë dronin e saj “në ujërat ndërkombëtare”, ka vazhduar tutje me sqarimet ushtaraku. Ndërkohë që ka bërë të ditur se avionët e SHBA-së do vazhdojnë operacionet në hapësirën ndërkombëtare, shkruan Radio Evropa e Lirë, përcjell albinfo.ch.

Zëdhënësi i Këshillit Kombëtar të Sigurisë në Shtëpinë e Bardhë, John Kirby, ka treguar se autoritetet amerikane do ta diskutojnë me rusët çështjen e dronit. Po ashtu edhe komandanti i lartë i NATO-s është informuar nga aleatët lidhur me incidentin mbi Detin e Zi.

Dronët MQ-9, kryesisht janë fluturake pa pilot, të dizajnuara të kryejnë fluturime të gjata dhe të bëjnë vëzhgime nga lartësi të mëdha, shkruan Radio Evropa e Lirë, përcjell albinfo.ch.