Dialogu Kosovë-Serbi, nesër takimi në nivel kryenegociatorësh

Nesër do të mbahet takimi i radhës ndërmjet Kosovës dhe Serbisë në nivel të kryenegociatorëve.

Zyra e Kryeministrit të Kosovës ka bërë të ditur se zëvendëskryeministri i parë për Integrim Evropian dhe Dialog i Kosovës, Besnik Bislimi, ka udhëtuar drejt Brukselit, ku do të marrë pjesë në takimet e radhës në kuadër të procesit të dialogut me Serbinë.

Takimi do të zhvillohet në Bruksel, ndërsa aty do të diskutohet në lidhje me zbatimin e aneksit të Marrëveshjes së arritur në Ohër, raporton Albinfo.ch.

Zëdhënësi i BE-së, Peter Stano, para disa ditëve kishte thënë se kryenegociatorët nga të dyja palët janë ftuar nga lehtësuesi i dialogut që të vijnë në Bruksel dhe të avancojnë përpara me hapat e parë për implementimin e gjithë asaj që kanë rënë dakord./Albinfo.ch/