Lajme
Mira Murati flet pas akuzave për shkelje të privatësisë nga ChatGPT
Italia e ka bllokuar ChatGPT për shkak të dyshimeve për shkelje të privatësisë, disa ditë pas kësaj për median italiane “La Repubbblica”, themeluesja shqiptare e ChatGPT, Mira Murati, ka dhënë një intervistë, përcjell albinfo.ch.
Shefja e Teknologjisë e OpenAi, kompania që krijoi inteligjencën artificiale ChatGpt, u shpreh e befasuar me vendimin e institucionit italian për mbrojtjen e të dhënave personale “Garante”. “Ishte një surprizë, ata nuk na kishin kontaktuar më parë,” tha inxhinierja 37-vjeçare përmes lidhjes nga San Francisko në samitin OpenAi, për “La Repubbblica”, përcjell albinfo.ch.
Ajo ka shtuar se respektohen të gjitha ligjet evropiane duke shtuar se janë të hapur si kompani të dialogojnë me “Garante”. Për akuzat për mbledhjen e të dhënave ajo mohon një gjë të tillë. “Është e rëndësishme që këto sisteme të mësojnë konceptet që ne njohim, si teksti ose videot, por jo domosdoshmërisht informacione për individët privatë. Janë gjithashtu në përputhje me transparencën: ne i njoftojmë përdoruesit se si përpunohen të dhënat e tyre dhe ne ofrojmë politikën e privatësisë”, është shprehur Murati për La Repubbblica, përcjell albinfo.ch.
Inxhinierja 37-vjeçare ka folur edhe për rikthimin e ChatGPT-së në Itali. “Ne po punojmë me ‘Garante’ që të përpiqemi ta zgjidhim këtë situatë sa më shpejt që të jetë e mundur, shpresojmë të kemi lajme të mira së shpejti. Por, para vendimit të tij nuk kemi pasur dialog, kështu që ishte një surprizë për ne. E përsëris: ne respektojmë evropianët për rregullat, por ne jemi të hapur për të gjetur zgjidhje që adresojnë shqetësimet”, ka deklaruar Murati, raporton La Repubbblica, përcjell albinfo.ch.
Ajo ka folur edhe për mundësitë që të njëjtin vendim si Italia ta marrin edhe shtete të tjera evropiane, duke thënë që pret të mos marrin vendim për bllokim. “Ne jemi në kontakt të vazhdueshëm me ligjvënësit dhe qeveritë, në Evropë dhe në mbarë botën, për të kuptuar sesi teknologjia duhet të evoluojë nga pikëpamja rregullatore. Nuk mund të them se çfarë do të ndodhë në vendet e tjera, por shpresoj që nëse disa qeveri kanë shqetësime, ata do të jenë të hapur për dialog në vend që të na mbyllin”, është shprehur Murati për La Repubbblica, përcjell albinfo.ch.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Zvicër: Rastet e kollës te fëmijët, shumë të shpeshta Zvicra po goditet nga një valë e kollit, e cila është veçanërisht e rrezikshme për foshnjat...
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?