Tematike
Këshilli Federal po përgatitet për një Zvicër me 10 milionë banorë
Për t`iu përgjigjur rritjes së popullatës, Qeveria e Zvicrës po zhvillon skenarë të ndryshëm që të jetë në gjendje të furnizojë 10 milionë banorë.
Dhjetë milionë banorë? Kjo duket shumë e pabesueshme – për shumë veta është madje shifër e lartë. Por Enti Federal i Statistikave pret që Zvicra të ketë 10.2 milionë banorë deri në vitin 2045, transmeton albinfo.ch. Meqenëse tashmë po i afrohemi numrit prej 9 milionë banorësh, sipas deputetes së GLP-së Judith Bellaiche, qeveria e shtetit nuk mund ta injorojë këtë zhvillim.
Për këtë arsye ajo i ka paraqitur një propozim Këshillit Federal ku i bën thirrje që të projektojë një pamje të Zvicrës së ardhshme prej 10 milionë banorësh.
Në të, ajo i bën thirrje Këshillit Federal të zhvillojë masa konkrete dhe “të zhvillojë një vizion pozitiv për një Zvicër 10 milionëshe”, shkruan 20minuten.ch. Në fund të fundit, një Zvicër prej 10 milionë bamorësh do të ishte problematike vetëm nëse nuk do të planifikonim paraprakisht faktorët si hapësira e jetesës, kapacitetet e transportit, kujdesi shëndetësor, sigurimi i pleqërisë apo arsimimi.
Qeveria e shtetit tani i është përgjigjur kërkesës si më poshtë: “Këshilli Federal do të marrë parasysh shqetësimin e postulantit në kontekstin e mesazhit për planifikimin legjislativ 2023-2027”, transmeton albinfo.ch. Kështu, Këshilli Federal synon të përgatitet për sfidat e Zvicrës 10 milionëshe.
Deputetja në fjalë ka përshëndetur përgjigjen e Këshillit Federal për “Blick”. Edhe nëse një skenar i tillë duket i pamundur, veçanërisht duke pasur parasysh rënien e lindjeve, vendi duhet të përgatitet për të.
Përveç kësaj, mbetet për t’u parë se si Zvicra synon të përballet me emigracionin në të ardhmen. Sepse sipas sondazhit të fundit, 62 për qind e njerëzve në Zvicër duan të kufizojnë më shumë emigracionin.
Të ngjashme
Të tjera nga Tematike
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla