Lajme
Ministri Cassis, 44 fluturime nga Berna në Lugano, me avion qeveritar
Ministri i Jashtëm zviceran ka përdorur një nga dy avionët qeveritarë pothuajse 100 herë vitin e kaluar. Shpesh edhe për udhëtime të shkurtra
Këshilltari Federal nga FDP, Ignazio Cassis, ka udhëtuar 95 herë me avionët e tipit Falcon të Këshillit Federal ose Cessna-n, në pronësi federale vitin e kaluar, trasnmeton albinfo.ch. Këto udhëtime nuk kanë çuar gjithmonë jashtë vendit. Ministri i Jashtëm ka shfrytëzuar madje 44 herë avionin për fluturime të brendshme.
Këshilltarët e tjerë federalë zakonisht e merrnin helikopterin kur puna nuk proste, raporton blick. Ministrja e Transportit Simonetta Sommaruga ka fluturuar më së paku, ajo ka përdorur aeroplanin vetëm 13 herë.
Cassis jeton në Montagnola në kantonin e Ticinos. Afërsisht çdo fluturim i dytë i tij është nisur nga fusha ajrore Lugano-Agno. Cassis fluturon nga Bern-Belp në Ticino rreth një herë në muaj, përcjell albinfo.ch. Zëdhënësi i ministrit të Jashtëm tha për “Blick”: “Brenda vendit tonë, ministri Cassis udhëton kryesisht me makinë ose tren.
Nëse udhëtimi me këto mjete transporti nuk mjafton për shkak të afateve, zgjedhja bie mbi aeroplanin ose helikopterin, në varësi të rrugës, planifikimit dhe motit”.
Nëse i hidhet një sy sjelljes së udhëtimit të këshilltarëve të tjerë federalë, bëhet e qartë se Cassis fluturon më së shumti.
Karin Keller-Sutter është e dyta, ajo ka fluturuar 30 herë, Ueli Maurer ka përdorur avionin e Këshillit Federal 21 herë, transmeton albinfo.ch. Dy këshilltarët federalë të PS-së Sommaruga dhe Berset kanë përdorën avionin më së paku me 13 respektivisht 14 fluturime.
Të ngjashme
Të tjera nga Lajme
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen