Mbi 60 mijë njerëz protestuan sot në Bernë

(KEYSTONE/ Marcel Bieri)

Mbi 60 mijë persona kanë demonstruar sot në Bernë, në demonstratën kombëtare të klimës.

Demonstrata jashtëzakonisht e gjatë filloi në orën 14:30 me një vonesë të vogël në mburojën jo shumë larg stacionit të trenit në Bernë, teksa destinacioni ishte Bundesplatz, shkruan Blick.

Pjesëmarrësit përmes disa ilustrimeve, shfaqnin efektet e krizës klimatike, ndërsa hapën tema të tilla si shëndeti, bujqësia dhe aktivitetet në natyrë.

Kërkesa kryesore e tubimit ishte drejtësia klimatike, e cila po konsiderohet se po përkeqëson më tej pabarazitë që ekzistojnë tashmë në nivel global, përcjell albinfo.ch.

Ndër pankartat që tërhoqen më shumë vëmendje ishin “Pylli po digjet, Arktiku po shkrihet, politika po fle” dhe “Nëse klima do të ishte një bankë, do ta kishim shpëtuar shumë kohë më parë”.

Aleanca Zvicerane e Klimës bëri thirrje për demonstrate dhe sipas informacioneve përfshihen mbi 140 organizata nga fusha e mjedisit, zhvillimit, kishave, rinisë, sindikatave dhe mbrojtjes së konsumatorëve.