Lajme
Vendi ku dhënia e bakshishit konsiderohet mungesë respekti
Kushdo që ka punuar në një restorant e di se sa i rëndësishëm është një bakshish shtesë për çdo punonjës. Sidomos kur flasim për ata që punojnë gjatë muajve të verës dhe vrapojnë lart e poshtë, që të mos na mungojë asgjë. Koncepti i bakshishit është në ADN-në tonë, ku shumica prej nesh ndjejnë nevojën për të shpërblyer një shërbim të mirë të ofruar nga dikush.
Megjithatë, ky nuk është rasti në të gjitha pjesët e botës. Ka vende, në të cilat nëse dikush guxon të japë një bakshish, mund të keqkuptohet dhe të shkaktojë telashe. Një vend i tillë është Japonia, ku askush nuk lë bakshishe shtesë në bare apo restorante. Në fakt, banorët e saj më tradicionalë priren ta konsiderojnë atë një gjest përbuzjeje dhe jo respekti, transmeton Top Channel, përcjell albinfo.ch.
Kjo është për shkak të një perceptimi shumë të veçantë të punës. Me përjashtim të vendeve shumë specifike si bujtina, praktikisht asnjë biznes nuk pret që klienti të bëjë pagesa shtesë të çfarëdo lloji. Kjo filozofi e jetës gjendet në disa pjesë të Azisë.
Një shtet tjetër ku bakshishi është pothuajse tabu është Kina. Është e vërtetë që gjiganti aziatik ka një mënyrë jetese që ndikohet gjithnjë e më shumë nga hapja e tij drejt Perëndimit dhe se shumë nga zakonet tona kanë filluar të adoptohen nga popullsia e tij, por zakoni i bakshishit nuk shihet me sy të mirë. Për shumë vendas, kjo shihet si një akt superioriteti nga ana e personit që jep paratë, gjë që e vendos personin që i merr ato në një klasë më të ulët.
Diçka e ngjashme ndodh në Danimarkë. Normalisht, fatura e restorantit në këtë vend skandinav përfshin bakshishin në shumën përfundimtare, ndaj do të ishte e panevojshme që klientët të ofronin diçka më shumë. Për më tepër, ky vend, si pjesa tjetër e rajonit nordik, në përgjithësi ka paga mjaft të larta në sektorin e turizmit, kështu që punëtorët nuk duhet të varen nga bujaria e klientit.
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë