Kryeministri i Kosovës në Vjenë: U bë e mundur që qytetarët të paguajnë më shumë taksa pasi u largua korrupsioni

Kryeministri i Kosovës, Albin Kurti, në fjalën e tij në Forumin Ekonomik në Vjenë të Austrisë ka thënë se inflacioni është ulur gjatë këtij viti teksa theksoi se është bërë e mundur që qytetarët të paguajnë më shumë taksa, pasi tha se është larguar korrupsioni.

“Inflacioni është ulur gjatë këtij viti. Kosova nuk është një shtet i madh, por shembull. Ne kemi pasur progres dhe kështu ekonomia është rritur për shkak se qytetarët kanë paguar më shumë taksa kur e kanë parë që nuk ka korrupsion. Në vitin 2022 e kemi rritur buxhetin për arsim, siguri, shëndetësi, dhe këtë mëngjes ne filluam kodimin në të gjitha shkollat. Ne shikojmë përpara që t’i ndihmojë të rinjtë që është e ardhmja në të tashmen”, ka thënë ai, shkruan albinfo.at.

Ndër të tjera, ai ka thënë se Procesi i Berlinit është për ta ndihmuar anëtarësimin e Ballkanit Perëndimor në BE, ndërsa theksoi se mirëpresin të gjitha vendet që të investojnë në Kosovë.