Lajme
LAPSH-i i Cyrihut kremtoi Ditën e Flamurit
Prania e të ftuarve të shquar, si përfaqësues të ambasadave, figura politike, mësues etj., krijoi një atmosferë frymëzuese në sallë
Mbrëmjen e të shtunës, Hoteli Töss, në Winterthur, përjetoi një ngjarje të gjallë dhe pasuruese kulturore. Në këtë ditë, LAPSH “Naim Frashëri” i Kantonit të Cyrihut festoi festën kombëtare shqiptare, 28 Nëntorin, me një program mbresëlënës, shkruan albinfo.ch.
Në ambientin festiv të një salle të dekoruar, personalitete të ndryshme, përfshirë aktivistë të gjuhës, nxënës të mësimit plotësues në gjuhën shqipe dhe politikanë të njohur, emocionuan të pranishmit me shfaqje mbresëlënëse.
Mbrëmja nisi me hapjen ceremoniale me himnet e Shqipërisë dhe Kosovës, më pas me një pritje të ngrohtë nga moderatori Ramadan Morina.
Prania e të ftuarve të shquar, duke përfshirë përfaqësues të ambasadave, figura politike dhe mësues të mësimit plotësues në gjuhën shqipe krijoi një atmosferë frymëzuese në sallë.
Kryetari i LAPSH-it për Kantonin e Cyrihut, Naser Ulaj, ka shfrytëzuar rastin të falënderojë të pranishmit për mbështetjen dhe angazhimin e jashtëzakonshëm të mësuesve. Falënderime të veçanta u shprehën edhe për sponsorët bujarë, duke përfshirë FWM Partner AG, BeFi AG, Budget Group, Rinora 4, Zürichsee Garten dhe Gepart AG.
Diversiteti kulturor i mbrëmjes u pasqyrua në performancat mbresëlënëse të studentëve, të cilët shprehën dashurinë për gjuhën dhe kulturën shqipe në skenë.
Mbrëmja u përmbyll me shoqërimin muzikor nga Gëzim Jaha.
Përveç lotarisë nga FWM Partner AG, të ftuarit në hyrje u përshëndetën nga dy autorë librash që ofruan mostra letrare me poezi shqipe dhe një libër gjermano-shqiptar për fëmijë. Konkretisht Shqiponja Vrajolli prezantoi letërsi për të rritur ndërsa Dritero Gjukaj dhe Pranvera Salihi, çift autorësh kanë prezantuar një libër për fëmijë.
Ofertat falas për familjet, pyetjet për gjuhën dhe shkollën nga Kantoni i Cyrihut përmbyllnin gamën e informacioneve të ofruara me këtë rast.
Energjia pozitive e krijuar në Winterthur e bën këtë event një sukses të qëndrueshëm për LAPSH-in dhe promovimin e kulturës shqiptare në rajon.
(Autor i fotografive: Lulzim Hasi)
E-Diaspora
-
Arbër Rama, “EAZ”, fiton çmimin e parë për hitin zviceran të vitit Kënga mban titullin "Juicy" dhe, sipas njohësve të skenës, ishte "fituese logjike" e çmimit për Hitin...
-
Jetullah Haliti-Eti hap ekspozitë të arteve pamore në Sion
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Dr. Cristiana Lucchetti: Shqipja, gjuha më e rëndësishme e origjinës në Zvicër
Jeta në Zvicër
-
Cyrih: 4 veta ikin nga burgu për të rinj, njëri prej tyre është kapur Një video tregon një person duke u ngjitur nga dritarja dhe duke bërtitur "Allahu Akbar", shkruajnë...
-
Arbër Rama, “EAZ”, fiton çmimin e parë për hitin zviceran të vitit
-
Forumi i Gjenevës bashkoi një numër të madh ndërmarrësish shqiptarë e zviceranë
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune