Aeroporti i Tiranës, i dyti në Ballkan për nga numri i udhëtarëve gjatë 2023-ës

Raportohet se aeroporti i Tiranës është radhitur i dyti për nga numri i udhëtarëve gjatë vitit 2023, që regjistroi afër 7,3 milionë udhëtarë, përcjell albinfo.ch.

Referuar statistikave, aeroporti i Beogradit kryeson me 7,9 milionë udhëtarë që kanë udhëtuar gjatë 2023-ës, pas tij është aeroporti i Tiranës me 7.3 milionë udhëtarë. Në vendin e tretë radhitet aeroporti i Zagrebit me 3,7 milionë, i katërti është aeroporti i Prishtinës me 3,4 milionë dhe i pesti është aeroporti i Splitit me 3,5 milionë udhëtarë, bën të ditur faqja e aviacionit “Exuaviation”.

Vitin e kaluar, më shumë se gjysma e aeroporteve shënuan vitin më të ngarkuar ndonjëherë, dhe disa janë ende nën nivelin e transportimit të pasagjerëve në krahasim me periudhën para pandemisë Covid.