Kosova
Kosova dhe Shqipëria pësojnë rënie në renditjen e re të FIFA-s
Kombëtarja e Kosovës ka pësuar rënie për një pozitë në renditjen më të re të FIFA-s, përcjell albinfo.ch.
Kjo e fundit e zbuloi sot ranglistën e muajit shkurt-mars, ndërsa “Dardanët” tash gjenden në vendin e 102-të, në krahasim me atë të 101-të të herës së kaluar.
Sa u përket pikëve, Verdhekaltrit kanë pikë të njëjta, 1202.77.
Por, mbi Kosovën tash është Tajlanda, e cila bëri përparim prej plot 12 pozitash, duke e zënë vendin e 101.
Rënie pati edhe Kombëtarja shqiptare, e cila tash e sheh veten në vendin e 64-t, ndërsa në renditjen paraprake ishte në atë të 62-të.
Kuqezinjtë i kanë 1382,69 pikë duke përfunduar prapa Republikës Demokratike të Kongos, e cila përparoi për katër pozita dhe përpara Kepit të Gjelbër.
Ndryshimet në renditjen e FIFA-s u bënë mbi të gjitha për Kombëtaret e kontinenteve të tjera, pasi në Evropë sivjet nuk ka pasur ende aktivitete të ekipeve kombëtare.
Në Top 10 nuk pati ndryshime në renditje, me kampionen e botës, Argjentina, që vazhdon të prijë, e ndjekur nga nënkampionia botërore Franca.
Kurse, podiumin e mbyll Kombëtarja e Anglisë, e cila është në formë kulmore.
Në dhjetëshen e parë i shohim edhe Belgjikën, Brazilin, Holandën, Portugalinë, Spanjën, Italinë dhe Kroacinë.
Renditja e ardhshme e FIFA-s do të publikohet më 4 prill, kur pritet të ketë ndryshime pas zhvillimit të miqësoreve të kombëtareve.
Të tjera nga Kosova
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Gjendet viktima e fundit e ortekut të prillit Është gjetur trupi i një shtetasi kanadez 30-vjeçar, i cili u përfshi nga një ortek më...
-
Rritet numri i pasagjerëve në transportin publik të Gjenevës
-
Gjashtë gjëra që duhet të dini për pagat në Zvicër
-
Cilat profesione janë më të paarritshme nga të huajt në Zvicër
-
Kush është gruaja që ju flet shqip kur fluturoni me CHAIR?