Francë: Erza mahnit publikun dhe jurinë me këngën “E përulur nga nata”

Mbrëmë u mbajt pjesa e dytë e gjysmëfinales së konkursit “Franca ka një talent të pabesueshëm 2015” në M6. Dhjetë kandidatët e fundit të përzgjedhur shpresojnë të fitojnë 100,000 euro dhe të marrin pjesë në Festivalin e shumënjohur në Montreal. Në mesin e këtyre dhjetë talenteve është përzgjedhur një vogëlushe kosovare, Erza.

Ajo është kandidatja më e re ( 9 vjeçare) e këtij konkursi. Talenti i saj? Një zë tejet i veçantë, të cilin ajo filloi ta punojë që nga mosha trevjeçare! Erza në gjysmëfinalen e këtij konkursi është prezantuar me këngën e një këngëtareje të njohur në Francë, ZAZ (E përulur nga nata). Mbrëmë në kanalin frankofon M6 ajo përfundoi në mesin e 5 finalistëve?

Kënga e përzgjedhur nga vogëlushja është një këngë e cila përmban vështirësi të mëdha. Mëgjithatë, Erza arriti ta këndojë pa asnjë gabim dhe përfundoi nën duartrokitjet e flakta të publikut si dhe nën brohoritjen e jurisë së magjepsur. “Ti bërë diçka të jashtëzakonshme. Sapo e hap gojën, shihet siguria jote. Po të jap vetëm një këshillë, mos u rrit shumë shpejt… unë jap vetëm një aluzion. A nuk rriten shpejt fëmijët”, i tha këngëtarja e famshme e Francës, Lorie.

Për më shumë: http://www.m6.fr/emission-la_france_a_un_incroyable_talent/videos/11447964-erza_interprete_eblouie_par_la_nuit_de_zaz.html